१८ मे २०२५ पासून ३० मे २०२५ पर्यंत, म्हणजे १२ दिवस, महाराष्ट्रात खूप जोरात पाऊस पडणार आहे. हे पावसाचे अंदाज प्रसिद्ध हवामान अभ्यासक पंजाबराव डख यांनी दिले आहेत. हा पाऊस मान्सून सुरू होण्यापूर्वी पडतो, पण तोसुद्धा खूपच जोरात असेल. त्यामुळे काही ठिकाणी ओढे, नाले भरून वाहू शकतात.
मुंबई, कोकणमध्ये अधिक पाऊस
डख सर म्हणाले की मुंबईत सर्वात आधी जोरात पाऊस सुरू होईल. २२ मे ते ३० मे या काळात मुंबईत खूप पाऊस पडेल. त्यामुळे लोकांनी खबरदारी घ्यावी. कोकण भागातही जोरदार पाऊस पडेल.
नाशिक, पुणे, कोल्हापूरसह अन्य जिल्ह्यांमध्येही पाऊस
नाशिक, पुणे, कोल्हापूर, सातारा, सांगली या जिल्ह्यांतही मुसळधार पावसाची शक्यता आहे. कोल्हापूरमधल्या नद्यांना पाणी येऊ शकते. त्यामुळे नदीकाठी राहणाऱ्या लोकांनी काळजी घ्यावी.
नगर व मराठवाड्यात दिलासा
अहमदनगर जिल्ह्यात पावसामुळे ओढे-नाले भरून वाहतील. लहान बंधाऱ्यांमध्ये पाणी साठेल. बीड जिल्ह्यासाठी हा पाऊस उपयोगी ठरेल. तिथे पाण्याची कमतरता आहे. धाराशिव भागातही बंधारे भरतील. लातूर, परभणी, जालना, हिंगोली, नांदेडसह इतर मराठवाड्यातही चांगला पाऊस पडेल. नांदेडमध्ये विजा कडकडतील, त्यामुळे लोकांनी झाडाखाली थांबू नये.
विदर्भातही मुसळधार पाऊस
बुलढाणा, अकोला, अमरावतीसह विदर्भातही पावसाचा जोर असेल. १२ दिवसांत दररोज किंवा दोन दिवसांनी पाऊस वेगवेगळ्या भागांत पडेल. त्यामुळे शेवटच्या आठवड्यात ओढे-नाले वाहताना दिसतील. राज्यात एकही गाव असा राहणार नाही जिथे पाऊस पडणार नाही.
डख सरांनी शेतकऱ्यांना सांगितले की, जिथे जिथे थोडी उघडकी मिळेल, तिथे शेतीची कामे पूर्ण करून घ्यावीत. रोटाव्हेटर किंवा कल्टिव्हेटर वापरून शेत तयार करावे. असा जोरदार पाऊस क्वचितच होतो, त्यामुळे त्याचा उपयोग करून घ्या.
पाऊस आणि विजा एकत्र असतील. त्यामुळे विजा चमकत असताना झाडाखाली थांबू नका. विजा झाडांवर पडण्याची शक्यता जास्त असते.